მარნეულის მუნიციპალიტეტის, დამიის საჯარო სკოლაში ინტელექტუალური თამაში - „გამოვავლინოთ ჩვენი შესაძლებლობები“ ჩატარდა. 

ინტელექტუალურ თამაშში VIII, IX და XI კლასების მოსწავლეებისგან დაკომპლექტებული სამი გუნდი მონაწილეობდა. 

კონკურსი 7 ტურს მოიცავდა, კითხვები შედგენილი იყო ძირითადი სასკოლო საგნების თემატური საკითხების საფუძველზე.

მონაწილე გუნდებს თითოეულ ეტაპზე კომპეტენტური ჟიური-სათანადო საგნის მასწავლებელი აფასებდა.

გამარჯვებულები 2 ნომინაციაში გამოვლინდნენ: 1. „საუკეთესო გუნდი“; 2. „ყველაზე ცნობისმოყვარე“.

კონკურსი მიზნად ისახავდა მოსწავლეთა წინარე ცოდნის გააქტიურებას; ჯანსაღი კონკურენციის უნარების ჩამოყალიბებას; ინტელექტუალური დონის, ერუდიციის, მოტივაციის ამაღლებასა და სასკოლო ცხოვრების გამრავალფეროვნებას.

როგორც ინტელექტუალური თამაშის ორგანიზატორმა, ისტ-ისა და ინგლისური ენის პედაგოგმა ნორაირ მისკარიანმა აღნიშნა, ამ ტიპის აქტივობისას მოსწავლეები ურთიერთობენ ერთმანეთთან; სწავლობენ გუნდურ მუშაობას, რესურსის გამოყენებას, მათთვის უცნობ, ახალ ელემენტებს, რისკის გაწევასა და გადაწყვეტილებების მიღებას.

კონკურსანტებს სამახსოვრო სიგელები გადაეცათ.

იხილეთ ფოტოები