ახალციხის მუნიციპალიტეტის, აწყურის საჯარო სკოლაში დედამიწის საერთაშორისო დღე სხვადასხვა საინტერესო აქტივობებით აღნიშნეს.

სკოლის წარმომადგენლის თქმით, დაწყებითი კლასის მოსწავლეებმა ამ დღის მესიჯი ასფალტზე ხატვით დატოვეს.

საშუალო საფეხურის მოსწავლეებმა დევიზით - „დედამიწას არ აქვს იმუნიტეტი“ და „დედამიწა ჩვენი ფერადი სახლია“ აქცია გამართეს.

„აქციის მიზანი იყო, თითოეული მოქალაქის მიერ იმის გააზრება, რამდენად მნიშვნელოვანია დედამიწაზე ზრუნვა, თუნდაც საკუთარი გარემოს გაუმჯობესების მიზნით“,-აღნიშნავს სკოლის წარმომადგენელი. 

ამის შემდეგ მოსწავლეებმა აწყურის საზოგადოებრივ ცენტრში საინტერესო კონფერენცია გამართეს. VIII-XI კლასის მოსწავლეებმა არაჩვეულებრივი პრეზენტაციები ჩაატარეს. გაიმართა დისკუსიაც.

ღონისძიების დასასრულს მოსწავლეებმა აწყურის კულტურის სახლის ეზოში ხეები დარგეს.

იხილეთ ფოტოები