დუშეთის მუნიციპალიტეტის ანანურის საჯარო სკოლაში  9 აპრილისადმი მიძღვნილი ღონისძიება - „თქვენს ხსოვნას ქვეყანა სანთლებად აინთებს“ ჩატარდა.

ღონისძიების ფარგლებში, მოეწყო 9 აპრილის ამსახველი ფოტოების და ასევე ამ თემასთან დაკავშირებით მოსწავლეების ნახატების გამოფენა. ღონისძიებაში მონაწილეობა მიიღეს ანანურის საჯარო სკოლის როგორც დაწყებითი საფეხურის მოსწავლეებმა, ასევე საბაზო და საშუალო საფეხურის მოსწავლეებმა.

1989 წლის 9 აპრილის ტრაგედიიდან 30 წელი შესრულდა. საბჭოთა არმიამ 1989 წლის 9 აპრილს, თბილისის ცენტრში, პარლამენტის შენობასთან, საქართველოს დამოუკიდებლობის მოთხოვნით მოწყობილი მშვიდობიანი დემონსტრაცია დაარბია, რის შედეგადაც 21 ადამიანი დაიღუპა, ასობით კი დაიჭრა და მოიწამლა. 1991 წლის 9 აპრილს მაშინდელმა უზენაესმა საბჭომ საქართველოს სახელმწიფოებრივი დამოუკიდებლობის აღდგენა გამოაცხადა.

იხილეთ ფოტოები