ხელვაჩაურის რაიონის დაბა მახინჯაურის საჯარო სკოლაში „მწვანე დღეების“ კვირეული გრძელდება.
მე-5 ა კლასის დამრიგებელმა და მოსწავლეებმა, მშობლებთან ერთად ჩაატარეს კლასსაათი თემაზე „დავიცვათ ბუნება“ ბათუმის ბოტანიკურ ბაღში, სადაც მათ ჩაუტარდათ პრეზენტაცია ბაღის მეცნიერ-მუშაკების მიერ.
იქვე მათ საჩუქრად გადაეცათ სხვადასხვა მცენარეთა თესლები რომლებიც ადგილზევე დათესეს სპეციალურად მათთვის მომზადებულ ქოთნებში.
ასევე ბავშვებმა ბაღის ტერიტორიაზე დარგეს ერთწლოვანი ყვავილოვანი მცენარეები.
ჩატარდა ჯგუფური სამუშაო - „ჰერბარიუმის შექმნა“.
ბავშვებმა მოხატეს ბაღის ტერიტორია, გააკეთეს პრეზენტაციები- „მომავლის თვალით დანახული სამყარო“, ლექსებით, სიმღერებითა და ცეკვებით დაასრულეს კლასსათი.
ბოლოს კი მოსწავლეებსა და მშობლებს გადაეცათ სიგელები კლასსაათში აქტიური მონაწილებიისათვის დირექტორისა და დამრიგებლისაგან.
