ნინოწმინდის მუნიციპალიტეტის, განძის N1 საჯარო სკოლაში ქართული ენის კვირეულის დასკვნითი ღონისძიება ჩატარდა. 

მეათე და მეთორმეტე კლასის მოსწავლეებმა დედა ენის დღის მნიშვნელობის შესახებ ისაუბრეს, ქართული ენის სიწმინდის დაცვის აუცილებლობა აღნიშნეს და პრეზენტაციები ჩაატარეს. 

დედა ენის დღე საქართველოში 14 აპრილს აღინიშნება. 

1978 წლის 14 აპრილს საქართველოს მოსახლეობამ, ინტელიგენციის წარმომადგენლებთან ერთად, მასობრივი გამოსვლა მოაწყო და წინ აღუდგა საბჭოთა კავშირის გადაწყვეტილებას, საქართველოში ქართული ენის, როგორც სახელმწიფო ენის გაუქმების შესახებ.

დაძაბული ვითარების გამო, ოფიციალური მოსკოვი იძულებული გახდა, დაეთმო და კონსტიტუციაში ცვლილება აღარ შევიდა, ხოლო 14 აპრილი „დედა ენის დღედ“ გამოცხადდა.

იხილეთ ფოტოები