აფხაზეთის N7 საჯარო სკოლის მოსწავლემ ანა ლაშქარავამ თემაზე - ,,ეკოლოგია და კულტურა“ გამართულ კონფერენციაში გაიმარჯვა
24-04-2019
თემურ ბოკუჩავას სახელობის აფხაზეთის N7 საჯარო სკოლის მოსწავლე ანა ლაშქარავამ (თემის ხელმძღვანელი ნესტან მორგოშია) თემაზე - ,,ეკოლოგია და კულტურა“ გამართულ კონფერენციაში ნომინაციაში - ეკოლოგია და ხელოვნება გაიმარჯვა.
კონფერენცია დედამიწის დღის კვირეულის ფარგლებში, სენაკის სახვითი ხელოვნების გალერეაში, სენაკის მოსწავლე-ახალგაზრდობისა და კულტურის ცენტრის ეკო-კლუბ „მწვანე ერთობის“ ორგანიზებით (ეკო-კლუბის ხელმძღვანელი - ქეთევან კოღუა) ჩატარდა.
კონფერენციაში სენაკის საჯარო და კერძო სკოლის მოსწავლეები მონაწილეობდნენ.
სხვადასხვა ნომინაციაში გამარჯვებულები კომპეტენტურმა ჟიურიმ გამოავლინა.
გამარჯვებულებს საუკეთესო ნაშრომისათვის სიგელები და ფასიანი საჩუქრები გადაეცათ.
იხილეთ ფოტო
სკოლების სიახლეები
