რუსთავის N10 საჯარო სკოლის მოსწავლემ და პედაგოგებმა ქართული ენის რესპუბლიკურ ოლიმპიადის, საქართველოს მასშტაბით ჩატარებულ რიგით მე-14 კალიგრაფიის კონკურსში წარმატებას მიაღწიეს.
ქართული ენის რესპუბლიკური ოლიმპიადის, საქართველოს მასშტაბით რიგით მე-14 კალიგრაფიის კონკურსი 18 აპრილს გაიმართა.
კონკურსში რუსთავის N10 საჯარო სკოლის ქართული ენისა და ლიტერატურის მასწავლებელმა ლალი ხაჩიძემ მე-2 ადგილი დაიკავა, სპორტისა და ფიზიკური აღზრდის მასწავლებელმა ალექსანდრე ნიკოლაიშვილმა კი კონკურსში მე-3 ადგილი მოიპოვა.
ამავე კონკურსში მოსწავლეთა შორის რუსთავის N10 სკოლის მე-4ბ კლასის მოსწავლემ მარიამ არჩვაძემ გაიმარჯვა. სკოლის აღსაზრდელმა კონკურსში I ადგილი დაიკავა.
20 აპრილს, ივანე ჯავახიშვილის თბილისის სახელმწიფო უნივერსიტეტში გამარჯვებულების დაჯილდოების ცერემონიალი გაიმართა.
დედა ენის ოლიმპიადა-ფესტივალი წელს როგორც ქართველ, ისე უცხოელ მონაწილეებსაც მასპინძლობდა და მასში ერთმანეთს კონკურენციას 3967 მოსწავლე თუ მასწავლებელი უწევდა.
რუსთავის N10 სკოლა გამარჯვებულებს მიღწეულ წარმატებას ულოცავს.
