ოტია იოსელიანის სახელობის ქალაქ წყალტუბოს N1 საჯარო სკოლაში 22 აპრილს, დედამიწის დღეს, ტრადიციულად, სკოლის ეკო-კლუბისა და დირექციის ორგანიზებით კონფერენცია ჩატარდა.
მოსწავლეთა კონფერენციი - „ყურადღება არ მოვაკლოთ მაცოცხლებელ დედამიწას“ ფარგლებში, ჩატარდა სლოგანების და ესსეების კონკურსი - „მე რომ დედამიწა ვიყო რას ვეტყოდი ადამიანებს".
ასევე გაფორმდა მემორანდუმი ქუთაისის სახელმწიფო უნივერსიტეტთან პროექტის „მდინარეები ნარჩენების გარეშე - სუფთა შავი ზღვა" ფარგლებში, სკოლის მიმდებარე ტერიტორიაზე მოეწყო დასუფთავების აქცია და სკოლის ეზოში დაირგო ნარგავები.
აღნიშნული აქტივობები პედაგოგიურ თათბირზე, რომელიც გაკვეთილების დასრულების შემდეგ ჩატარდა დადებითად შეაფასა სკოლის დირექტორმა ქალბატონმა ფაქიზო ფანჩულიძემ, რომელმაც აღნიშნა, რომ ეს აქტივობები მოსწავლეთა ეკოლოგიური ცნობიერების ამაღლებისთვის მეტად მნიშვნელოვანია.
იხილეთ ფოტოები:
