საგარეჯოს მუნიციპალიტეტის შიბლიანის საჯარო სკოლაში I, III და IV კლასის მოსწავლეები დედა ენის დღესთან დაკავშირებით მიძღვნილ ღონისძიებაში მონაწილეობდნენ. ღონისძიება  ნანა ლაზარიაშვილისა და ნარგიზ ზირაქაშვილის ხელმძღვანელობით ჩატარდა.

დედა ენის დღე საქართველოში 1990 წლიდან 14 აპრილს აღინიშნება. 1978 წლის 14 აპრილს კონსტიტუციაში სახელმწიფო ენის შესახებ ჩანაწერის ცვლილების წინააღმდეგ თბილისში სტუდენტური მანიფესტაციები დაიწყო. ცვლილების მიხედვით, საქართველოს რესპუბლიკაში ქართული ენის, როგორც სახელმწიფო ენის სტატუსი უქმდებოდა. მანიფესტაციების შედეგად, ქართულ ენას სახელმწიფო ენის სტატუსი შეუნარჩუნდა.

იხილეთ ფოტოები