ახალი საყულიის საჯარო სკოლაში თემაზე - 9 აპრილი - ჩვენი ტკივილი და სიამაყე მინი-ლექცია გაიმართა
17-04-2019
წყალტუბოს მუნიციპალიტეტის, ახალი საყულიის საჯარო სკოლაში 9 აპრილს მინილექცია მიუძღვნეს.
მოსწავლეთა თვითმმართველობის თავმჯდომარემ მონიკა ქალდანმა მინი-ლექცია ჩაატარა თემაზე - 9 აპრილი - ჩვენი ტკივილი და სიამაყე.
9 აპრილს პატივს მივაგებთ სამშობლოსათვის დაღუპულ გმირთა ხსოვნას და ამავე დროს, ვზეიმობთ საქართველოს სახელმწიფოებრივი დამოუკიდებლობის აღდგენას.
1989 წლის 9 აპრილს, გამთენიისას, საბჭოთა კავშირის შეიარაღებული ძალების ნაწილებმა, თბილისის ცენტრში, პარლამენტის შენობასთან მშვიდობიანი საპროტესტო აქცია დაარბია, რის შედეგადაც 21 ადამიანი დაიღუპა. ათასობით მოქალაქე კი დაუდგენელი შემადგენლობის გაზით მოიწამლა.
1991 წლის 9 აპრილს კი უზენაესმა საბჭომ საქართველოს სახელმწიფოებრივი დამოუკიდებლობის აღდგენა გამოაცხადა.
იხილეთ ფოტო
სკოლების სიახლეები
