დმანისის მუნიციპალიტეტის ქვემო ოროზმანის საჯარო სკოლის მოსწავლეები აქტიურად მონაწილეობენ სხვადასხვა სახის კონკურსებსა და ღონისძიებებში.

კერძოდ ქვემო ოროზმანის საჯარო სკოლის IX კლასის მოსწავლე მარიამი ასადოვა  კონკურსში - „მე ვწერ ქართულად“ სიგელით დაჯილდოვდა. კონკურსი შერიგებისა და სამოქალაქო თანასწორობის საკითხებში სახელმწიფო მინისტრის აპარატმა, ივანე ჯავახიშვილის სახელობის თბილისის სახელმწიფო უნივერსიტეტთან თანამშრომლობით, განათლების, მეცნიერების, კულტურისა და სპორტის სამინისტროს მხარდაჭერით, საქართველოს არაქართულენოვანი ზოგადსაგანმანათლებლო დაწესებულებების/სექტორების IX კლასის მოსწავლეებისთვის ჩაატარა.

ქვემო ოროზმანის საჯარო სკოლის XII კლასის მოსწავლე აფსანა მურადოვა კი დმანისის კულტურისა და ხელოვნების ცენტრში გამართულ ღონისძიებაში - „საუკეთესო კალიგრაფიისთვის“  სპეციალური დიპლომით დაჯილდოვდა.

სკოლის ადმინისიტრაცია მოსწავლეებს ულოცავს და წარმატებებს უსურვებს.

იხილეთ ფოტოები