შუახევის მუნიციპალიტეტის ჭალის საჯარო სკოლაში 9 აპრილისადმი მიძღვნილი ღონისძიება „მადლობა თავისუფლებისათვის“ გაიმართა. 

სკოლის მოსწავლეებმა 1989 წლის 9 აპრილის შესახებ მოიძიეს ინფორმაცია, ისაუბრეს აპრილის მოვლენებზე და დაღუპულ გმირებს პატივი მიაგეს. 

წელს 1989 წლის 9 აპრილის ტრაგედიიდან 30 წელი შესრულდა. საბჭოთა არმიამ 1989 წლის 9 აპრილს, თბილისის ცენტრში, პარლამენტის შენობასთან, საქართველოს დამოუკიდებლობის მოთხოვნით მოწყობილი მშვიდობიანი დემონსტრაცია დაარბია, რის შედეგადაც 21 ადამიანი დაიღუპა, ასობით კი დაიჭრა და მოიწამლა.

1991 წლის 9 აპრილს მაშინდელმა უზენაესმა საბჭომ საქართველოს სახელმწიფოებრივი დამოუკიდებლობის აღდგენა გამოაცხადა.