ბათუმის N2 საჯარო სკოლის 2ბ კლასის მოსწავლეებმა, პედაგოგ მადონა ფედიჩკინას ხელმძღვანელობით, ღონისძიება - „9 აპრილი ჩვენი ტკივილია და 9 აპრილი საქართველოს დამოუკიდებლობის დღეა“ გამართეს.
სკოლის აღსაზრდელებმა 9 აპრილის მოვლენებზე ისაუბრეს, ტრაგედიის დროს დაღუპული გმირები გაიხსენეს, სანთლები დაანთეს და მათ ხსოვნას პატივი მიაგეს.
მეორეკლასელებმა ასევე პატრიოტული თემატიკის ლექსები წაიკითხეს და სიმღერები შეასრულეს.
1989 წლის 9 აპრილს, გამთენიისას, საბჭოთა კავშირის შეიარაღებული ძალების ნაწილებმა, თბილისის ცენტრში, პარლამენტის შენობასთან მშვიდობიანი საპროტესტო აქცია დაარბია, რის შედეგადაც 21 ადამიანი დაიღუპა. ათასობით მოქალაქე კი დაუდგენელი შემადგენლობის გაზით მოიწამლა.
1991 წლის 9 აპრილს კი უზენაესმა საბჭომ საქართველოს სახელმწიფოებრივი დამოუკიდებლობის აღდგენა გამოაცხადა.
იხილეთ ფოტოები
