სოსო ღვინიაშვილის სახელობის გურჯაანის მუნიციპალიტეტის სოფელ ზემო კაჭრეთის საჯარო სკოლაში 9 აპრილისადმი მიძღვნილი ღონისძიება „9 აპრილი ჩვენი ტკივილია“ ჩატარდა.

ისტორიის პედაგოგმა თამარ ჯიქურაშვილმა მოსწავლეებს მიაწოდა ინფორმაცია 9 აპრილის მნიშვნელობის შესახებ. მოსწავლეებმა წაიკითხეს ამ დღისადმი მიძღვნილი ლექსები, უყურეს ტრაგიკული მოვლენების ამსახველ ვიდეო კადრებს და შექმნეს კედლის გაზეთი.

1989 წლის 9 აპრილს, გამთენიისას, საბჭოთა კავშირის შეიარაღებული ძალების ნაწილებმა, თბილისის ცენტრში, პარლამენტის შენობასთან მშვიდობიანი საპროტესტო აქცია დაარბია, რის შედეგადაც 21 ადამიანი დაიღუპა. ათასობით მოქალაქე კი დაუდგენელი შემადგენლობის გაზით მოიწამლა.

1991 წლის 9 აპრილს კი უზენაესმა საბჭომ საქართველოს სახელმწიფოებრივი დამოუკიდებლობის აღდგენა გამოაცხადა.