წყალტუბოს მუნიციპალიტეტის, გუმბრინის საჯარო სკოლაში ღონისძიება - „9 აპრილი  - ჩვენი ტკივილია“ ჩატარდა.

ღონისძიებას ისტორიის მასწავლებელი მანანა ლიპარტელიანი ხელმძღვანელობდა. 

სკოლის წარმომადგენლის თქმით, მოსწავლეებმა სიტყვებითა და ლექსებით გაიხსენეს 9 აპრილის ტრეგედიის გამომწვევი მიზეზები და შედეგები ახსნეს. სკოლის აღსაზრდელებმა დამსწრე საზოგადოებას ასევე სლაიდშოუ და დოკუმენტური ფილმი აჩვენეს, რომელიც 9 აპრილის ტრაგედიას ეხებოდა.

„ღონისძიებამ დიდი ემოცია და ცრემლიც გამოიწვია. მოსწავლეებმა მასწავლებლებთან ერთად წუთიერი დუმილით პატივი მიაგეს 9 აპრილს დაღუპულებს და სალოცავ კუთხესთან სანთლები აანთეს“,-ამბობს სკოლის წარმომადგენელი. 

იხილეთ ფოტოები