
ადიგენის მუნიციპალიტეტის კახარეთის საჯარო სკოლაში 9 აპრილის დღესთან დაკავშირებით ღონისძიებები ჩატარდა.
როგორც სკოლის წარმომადგენელი აცხადებს, ღონისძიებაში აქტიურად მონაწილეობდნენ როგორც პედაგოგები, ისე ბავშვები. მოსწავლეებმა წაიკითხეს ტექსტები, ამ დღესთან დაკავშირებით უყურეს კადრებს, რომელიც 9 აპრილს განვითარდა, აანთეს სანთლები და წუთიერი დუმილით პატივი მიაგეს დაღუპულთა ხსოვნას.