ამბროლაურის N2 საჯარო სკოლაში ლიტერატურული კონკურსის ,,მოაზროვნე“ გამარჯვებულთა დაჯილდოება გაიმართა. 

კონკურსში გამარჯვებულ მოსწავლეებს ფულადი ჯილდო და ფასიანი საჩუქრები გადაეცათ. 

წლის მოაზროვნეები გახდნენ ამბროლაურის N2 საჯარო სკოლის მოსწავლეები: ქრისტინე ბაკურაძე - XI კლასი (ქართული ენისა და ლიტერატურის მასწავლებელი: ხათუნა ბეშიძე),  ელენე კილასონია - X კლასი (ქართული ენისა და ლიტერატურის მასწავლებელი: მაია  დგვარელი-ხიდურელი). 

ლიტერატურული კონკურსი „მოაზროვნე“ ამბროლაურის მოსწავლე-ახალგაზრდობის ცენტრის ორგანიზებით ჩატარდა (პროექტის ავტორი: ფიქრია ცხვედიანი), რომელშიც ამბროლაურის მუნიციპალიტეტის საჯარო სკოლების მესამე საფეხურის 72 მოსწავლე მონაწილეობდა. კონკურსის მიზანია ახალგაზრდებში ქართველ და უცხოელ კლასიკოსთა პოპულარიზაცია, ლოგიკური, ანალიტიკური და შემოქმედებითი უნარების განვითარება.

იხილეთ ფოტოები