თიანეთის მუნიციპალიტეტის, ახალსოფლის საჯარო სკოლა საქველმოქმედო მიმართულებით ღონისძიებებს აგრძელებს. 

სკოლის წარმომადგენლის თქმით, ამჯერად მეთერთმეტე კლასის მოსწავლეები კლასის ხელმძღვანელთან - ლელა დულუზაურთან ერთად სოფელ გოჯიაანებში მცხოვრებ მარტოხელა და სოციალურად დაუცველ მოხუცს - ქალბატონ ქეთევან ტუშურს ეწვივნენ.

ბავშვებმა მოხუცს საკუთარი სახსრებით შეგროვილი სხვადასხვა პროდუქტი და ტკბილეული გადასცეს.

„მოხუცი მოსწავლეების ვიზიტმა და ყურადღებამ ძალიან გაახარა.  მან დიდი მადლობა გადაუხადა ბავშვებს, კლასის ხელმძღვანელს და სკოლის ადმინისტრაციას“,-ამბობს სკოლის წარმომადგენელი. 

იხილეთ ფოტოები