დაბა ხულოს საჯარო სკოლის სამოქალაქო განათლების კლუბმა „ფენიქსი“ (ხელმძღვანელი: მზია აბულაძე) პროექტის „მშვიდობიანი კულტურის კვალდაკვალ“ ფარგლებში ჩაატარა პოეზიის საღამო, სახელწოდებით: „პოეზია,უპირველეს ყოვლისა“. 

ღონისძიებაში მონაწილეობდა ისტორიის კლუბი „დიდგორიც“ (ხელმძღვანელი: ჟუჟუნა ცეცხლაძე). 

„საღამო იყო ძალიან თბილი, უშუალო, შთამბეჭდავი. აქ ყველა თავისუფლად გრძნობდა თავს. მოსწავლეები ცდილობდნენ თავიანთი ემოციები და გრძნობები გადაეცათ მსმენელებისათვის“ - აღნიშნა სკოლის წარმომადგენელმა. 

საღამოზე საყვარელი ლექსების გარდა, საკუთარი ლექსებიც წაიკითხეს მეათე კლასელმა ია სურმანიძემ და გიორგი ჯორბენაძემ. 

საღამომ წარმატებით ჩაიარა. 

იხილეთ ფოტოები