შაუმიანის N3 საჯარო სკოლის სამოქალაქო განათლების კლუბი წარმატებული მუშაობისთვის დაჯილდოვდა
20-02-2019
შაუმიანის N3 საჯარო სკოლა სამოქალაქო განათლების პროგრამაში - „მომავლის თაობა“ არის ჩართული.
პროგრამა აშშ-ის საერთაშორისო განვითარების სააგენტოს (USAID) დაფინანსებით და საქართველოს განათლებისა და მეცნიერების სამინისტროს მხარდაჭერით ხორციელდება.
14 თებერვალს მარნეულში, პროგრამის ფარგლებში, სამოქალაქო განათლების კლუბის გაწეული სამუშაოს პრეზენტაცია გაიმართა.
შაუმიანის N3 საჯარო სკოლის მოსწავლეებმა დამსწრე საზოგადოებას 2017–18 წელს კლუბის განხორციელებული აქტივობებისა და პროექტების შესახებ პრეზენტაცია წარუდგინეს.
„სიქა“-მ სკოლის სამოქალაქო განათლების კლუბის წევრები წარმატებული მუშაობისთვის სერტიფიკატებით დააჯილდოვა და საჭირო რესურსები გადასცა.
იხილეთ ფოტოები
სკოლების სიახლეები
