თბილისის N106 საჯარო სკოლის მე-3 კლასის მოსწავლეებმა, დამრიგებლის ინა მეცხვარიშვილის ხელმძღვანელობით, პროექტი - „ჩვენ ვზრუნავთ სასკოლო გარემოზე“ განახორციელეს.

პროექტის განხორციელებისას მოხდა ბუნებისმეტყველებისა და ხელოვნების ინტეგრირება.

კლასის ხელმძღვანელის თქმით, მოსწავლეებმა არაერთი ჭკვიანური სლოგანი მოიფიქრეს. მათ შორის -  „ჩაყარეთ ნაგავი სანაგვეში და გაუფრთხილდით გარემოს!“, „ძირს ნუ დაყრი ნარჩენებს, თორემ, სეირს გაჩვენებ!“, „დაიცავით სისუფთავე! ნაგავი აბინძურებს გარემოს!“, „ნაგავს აქ თუ ჩაყრი, სკოლაში არ დაყრი!“, „სისუფთავე ჩვენი ჯანმრთელობაა!“, „ნაგვის ურნა: მაჭამეთ, მშია!“, „ნაგავი სანაგვეში!“, „არ დააბინძურო!“.

მოსწავლეებმა დაწყებითი კლასების კორპუსში, სამივე სართულის დერეფნებში ხელნაკეთი ნაგვის ურნები განათავსეს.

„გვიხარია, როდესაც ნაგვით ივსება ურნები და არა სკოლის დერეფნები, ვცდილობთ, სასკოლო გარემო უკეთესი გავხადოთ! ჩვენ ერთად ბევრი შეგვიძლია!“,- აღნიშნავენ მოსწავლეები.
 მესამეკლასელებმა პედაგოგის დახმარებით ასევე ვიდეომიმართვები ჩაწერეს. მათ არგუმენტირებულად მოუწოდეს თანატოლებს, თანასკოლელებს და საზოგადოებას, რომ არ დააბინძურონ გარემო.

იხილეთ ფოტოები