განათლების ხარისხის განვითარების ეროვნული ცენტრი 2018-2019 სასწავლო წლის გაზაფხულის სემესტრის მობილობას აცხადებს.
სტუდენტთა ელექტრონულ პორტალზე რეგისტრაცია 17 იანვარს 12:00 საათიდან დაიწყო და 1-ელ თებერვლას 18:00 საათზე დასრულდება.
მობილობა წელიწადში ორჯერ - შემოდგომისა და გაზაფხულის სემესტრებში, ცენტრის დირექტორის მიერ დადგენილ ვადებში ხორციელდება.
მობილობის მსურველი სასურველია, გაეცნოს ელექტრონული პორტალით სარგებლობის ვიდეო ინსტრუქციას.
მობილობაში მონაწილეობას იღებს 45 უმაღლესი საგანმანათლებლო დაწესებულება.სულ გამოცხადებულია 7 790 ვაკანტური ადგილი.
დაწესებულებები, რომლებიც 2018-2019 სასწავლო წლის გაზაფხულის სემესტრის მობილობაში არ მონაწილეობენ:
1. შპს - ევროპის უნივერსიტეტი
2. სსიპ - თბილისის ვანო სარაჯიშვილის სახელობის სახელმწიფო კონსერვატორია
3. შპს - უმაღლესი სასწავლებელი "ჯორჯია"
4. შპს - პეტრე შოთაძის სახელობის თბილისის სამედიცინო აკადემია
5. შპს - სასწავლო უნივერსიტეტი გეომედი
6. შპს - დავით ტვილდიანის სამედიცინო უნივერსიტეტი
7. სსიპ - საქართველოს შოთა რუსთაველის თეატრისა და კინოს სახელმწიფო უნივერსიტეტი
8. ა(ა)იპ "საქართველოს საპატრიარქოს წმიდა ტბელ აბუსერისძის სახელობის სასწავლო უნივერსიტეტი"
9. სსიპ - დავით აღმაშენებლის სახელობის საქართველოს ეროვნული თავდაცვის აკადემია
10. შპს ქართულ-ევროპული უმაღლესი სასწავლებელი
ასევე, სპეციფიკიდან გამომდინარე, მობილობაში არ მონაწილეობს მართლმადიდებლური საღვთისმეტყველო 8 უმაღლესი საგანმანათლებლო დაწესებულება.
ელექტრონულ პორტალზე მობილობის შედეგები გამოქვეყნდება 6 თებერვალს და დადებითი შედეგის შემთხვევაში სტუდენტმა დაუყოვნებლივ უნდა მიმართოს მიმღებ საგანმანათლებლო დაწესებულებას.
მობილობის პროცესთან დაკავშირებულ შეკითხვებზე პასუხები შეგიძლიათ განათლების ხარისხის განვითარების ეროვნული ცენტრის ცხელი ხაზის - 2 200 220 საშუალებით მიიღოთ ან დაუკავშირდეთ ელექტრონულ მისამართზე: mobility@eqe.ge
მობილობის მსურველი სტუდენტებისთვის ღია კარის დღე ჩატარდება 2019 წლის 21 და 30 იანვარს 11:00 საათიდან 13:00 საათამდე.
მისამართი: თბილისი, მ. ალექსიძის №1, 0 სართულის საკონფერენციო დარბაზი.
