თელავის მუნიციპალიტეტის, ფშაველის საჯარო სკოლაში, სამოქალაქო  განათლების კლუბი „ახალი ნერგი“ და მისი კოორდინატორი, სამოქალაქო განათლების მასწავლებელი არჩილ ხუტუაშვილი, 112-ის შესახებ საინფორმაციო კამპანიას - „112 ჩვენს სამსახურშია“ ახორციელებენ.

სკოლის წარმომადგენლის თქმით, V კლასში გაკვეთილი ჩატარდა, რომლის მიზანსაც წარმოადგენდა გადაუდებელი საგანგებო სამსახურის ცნობადობის გაზრდა. გაკვეთილი საინტერესო აქტივობებით იყო დატვირთული.

„მოსწავლეებს პედაგოგმა გასაფერადებელი აპლიკაციები დაურიგა. მოსწავლეებმა საგანგებო სიტუაციების სამსახურის თანამშრომლების (ექიმი, მეხანძრე-მაშველი და პატრული) უნიფორმა გააფერადეს. სკოლის აღსაზრდელებმა საკუთარი აპლიკაციები სკოლის დერეფანში თვალსაჩინო ადგილზე გამოფინეს.

იხილეთ ფოტოები