გარდაბნის მუნიციპალიტეტის, ახალსოფლის საჯარო სკოლის მე-9 კლასის მოსწავლეებმა, დამრიგებლის ქართული ენისა და ლიტერატურის მასწავლებლის ელენე ფალელაშვილის თაოსნობით, პოეზიის საღამო გამართეს.

ღონისძიება გალაკტიონ ტაბიძის შემოქმედებას მიეძღვნა. 

სკოლის წარმომადგენლის თქმით, საღამოზე მოსწავლეებმა პოეტის ცხოვრებასა და შემოქმედებაზე ისაუბრეს და გალაკტიონის ლექსები - „მესაფლავე“, „რომელი საათია?“ და სხვები მხატვრულად წაიკითხეს.

პოეზიის საღამოს სკოლის დირექციის წევრები და მასწავლებლები ესწრებოდნენ. საღამომ ყველა დამსწრის დიდი მოწონება დაიმსახურა.

იხილეთ ფოტოები