ხარაგაულის მუნიციპალიტეტის ხიდრის საჯარო სკოლაში ინგლისურენოვანი სასწავლო კლუბი გაიხსნა. 

აღნიშნული კლუბი სკოლის თვითმმართველობის წევრთა ინიციატივით ჩამოყალიბდა, რომელსაც ხელმძღვანელობას მშვიდობის კორპუსის მოხალისე მასწავლებელ - რეიჩელ ლენგსტონთან ერთად ინგლისური ენის მასწავლებელი მზია ბერაძე გაუწევს.

ინგლისურენოვანი სასწავლო კლუბის მთავარი მიზნებია:

ინგლისური ენის პრაქტიკული გამოყენება;

ამერიკული კულტურის გაცნობა;

შედარება ქართულ წეს-ჩვეულებებთან და სახალისო თამაშებით მოსწავლეთათვის სწავლის სურვილის გაღვივება.

სასწავლო კლუბი დაფუძნებულია თანასწორობისა და მეგობრობის პრინციპებზე.

კლუბის დევიზიც აქედან გამომდინარეობს - „აქ ყველა თანასწორია“. 

იგი დაწყებითი საფეხურის მოსწავლეებზეა გათვლილი და შეხვედრებს თვეში ერთხელ მართავს.

იხილეთ ფოტოები