თელავის მუნიციპალიტეტის, ფშავლის საჯარო სკოლაში V - XII კლასის მოსწავლეებისთვის, „World Vision - საქართველო - კახეთის სამხარეო განვითარება ბავშვთა კეთილდღეობისათვის“ პროგრამის ფარგლებში, სესია - „ჯანსაღი ცხოვრება ჩემი არჩევანია“ გაიმართა. 

სკოლის წარმომადგენლის თქმით, სესია მიზნად ისახავდა მოზარდებში ჯანსაღი ცხოვრების წესის დამკვიდრების ხელშეწყობას.

სკოლას პროგრამის წარმომადგენელმა და სესიის წამყვანმა ჯულიეტა ძამუკაშვილმა საჩუქრად სპორტული ინვენტარი გადასცა.

„სპორტულ ინვენტარს სპორტის მასწავლებელი გამოიყენებს როგორც გაკვეთილებზე ისე სხვადასხვა სპორტული აქტივობისას ჯანსაღი ცხოვრების წესის ხელშეწყობისათვის“,-ამბობს სკოლის წარმომადგენელი.

იხილეთ ფოტოები