თელავის მუნიციპალიტეტის, ფშავლის საჯარო სკოლის მოსწავლეები - ელენე მაისურაძე, ლიზი ბარხუდანაშვილი და მარიამ არჩემაშვილი საქართველოს განათლების, მეცნიერების, კულტურისა და სპორტის სამინისტროს გამოცხადებულ დღიურების კონკურსში მონაწილეობდნენ.

კონკურსის თემა იყო - ქალთა მიმართ ძალადობის წინააღმდეგ ბრძოლა.

დღიურების ავტორმა, სკოლის სამოქალაქო კლუბის - „ახალი ნერგი“ აქტივობის ფარგლებში, კლუბის კოორდინატორის, სამოქალაქო განათლების მასწავლებლის არჩილ ხუტუაშვილის ხელმძღვანელობით, სასკოლო საზოგადოებას საკუთარი შემოქმედება გააცნეს.

სკოლის წარმომადგენლის თქმით ღონისძიებაში კლუბის წევრი ვაჟებიც - გურამ ფარადაშვილი და მიხეილ წიქარაძე მონაწილეობდნენ. მათ წამყვანის როლი მოირგეს.

„დამსწრე საზოგადოებამ მოიწონა დღიურების ჩანაწერები და კიდევ ერთხელ დაგმო ყოველგვარი ძალადობა“,-ამბობს სკოლის წარმომადგენელი.

იხილეთ ფოტოები