საჩხერის მუნიციპალიტეტის, ნიგვზარის საჯარო სკოლაში, ნარჩენების მართვის საერთაშორისო დღისადმი მიძღვნილი, სოციალური პროექტის პრეზენტაცია გაიმართა.

პრეზენტაციაზე მიწვეული იყო ადგილობრივი მოსახლეობა.

სკოლის წარმომადგენლის თქმით, პრეზენტაცია მიზნად ისახავდა სასკოლო თემისა და მოსახლეობის ინფორმირებულობის გაზრდას ნარჩენების ეფექტურ მართვასთან დაკავშირებით.
პროექტის ფარგლებში, მოსწავლეებმა საყოფაცხოვრებო ნარჩენებისაგან დამზადებული საკუთარი ნამუშევრები გამოფინეს. 

პროექტი საბუნებისმეტყველო კათედრის ორგანიზებით X, XI და XII კლასებში განხორციელდა. პროექტს პედაგოგი ელზა ხარშილაძე ხელმძღვანელობდა.

„პროექტში დაწყებითი და საბაზო საფეხურის მოსწავლეებიც ჩაერთნენ, რომლებმაც კიდევ უფრო გაალამაზეს ღონისძიება“,-ამბობს სკოლის წარმომადგენელი.

იხილეთ ფოტოები