ახალციხის N5 საჯარო სკოლაში, ევროპის კვირეულის ფარგლებში, გაიმართა ვიქტორინა სახელწოდებით „ჩემი მრავალფეროვანი ევროპა“. 

ვიქტორინაში X-XI კლასის მოსწავლეები მონაწილეობდნენ. 

ხუთ-ხუთი მოსწავლისაგან შემდგარმა ოთხმა გუნდმა პირველ ტურში უპასუხა 10 ძირითად კითხვას, ხოლო მეორე ტურში მხოლოდ კაპიტნებმა უპასუხეს 5 ბლიც კითხვას. 

ვიქტორინაში გაიმარჯვა მესამე გუნდმა შემდეგი შემადგენლობით: გუნდის კაპიტანი - ლია ივანიძე; გუნდის წევრები - ბელა ზაზაძე, მაკა მაისურაძე, ლუკა ლაზარაშვილი და აჩიკო ზედგინიძე.

სკოლის დირექტორმა, ინგა ვარდიძემ ყველა მონაწილეს სერტიფიკატები გადასცა. 

ვიქტორინა საზოგადოებრივი მეცნიერებების კათედრისა და ისტორიის მასწავლებელ სოფო მაისურაძის ორგანიზებით ჩატარდა.

იხილეთ ფოტოები