ახმეტაში, მთავარმოწამე ბიძინა ჩოლოყაშვილის ხსენების დღე, მისივე სახელობის სკვერში აღნიშნეს.

ღონისძიებებს ორგანიზება ახმეტის კულტურის ცენტრმა გაუწია. სკვერში შემოდგომის კახეთისათვის დამახასიათებელი სხვადასხვა საქმიანობის ჩვენება მოეწყო.

გაიმართა ხალხური რეწვის ნიმუშების გამოფენა - დათვალიერება და კახური კერძების მომზადება- დეგუსტაცია.

ღონისძიების მსვლელობისას პარალელურად მიმდინარეობდა სპორტული აქტივობები: დოღი, ჭიდაობა, მკლავჭიდი, ჭადრაკი.

გაიმართა კონცერტი, რომელშიც ადგილობრივი ფოლკლორული და ქორეოგრაფიული ანსამბლები და მიწვეული ჯგუფი - „ურსა“ მონაწილეობდნენ. 

ღონისძიებაზე სიტყვით გამოვიდნენ კახეთის გუბერნატორი ირაკლი ქადაგიშვილი და ახმეტის მუნიციპალიტეტის მერი იოსებ ქარუმაშვილი. მათ დამსწრე საზოგადოებას მთავარმოწამე ბიძინა ჩოლოყაშვილის ხსენების დღე მიულოცეს.

იხილეთ ფოტოები