2018-2019 სასწავლო წელი კერძო და საჯარო სკოლების უმრავლესობაში 17 სექტემბერს დაიწყო, თუმცა რამდენიმე სკოლამ მოსწავლეების მიღება ჯერ კიდევ ვერ შეძლო. 

როგორც Etaloni.ge-ს განათლების, მეცნიერების, კულტურისა და სპორტის სამინისტროდან აცნობეს, ოთხმა საჯარო და ხუთმა კერძო სკოლამ სწავლის დაწყების თარიღად 24 სექტემბერი გამოაცხადა. 

საკარო სკოლები:

1. ვანის მუნიციპალიტეტის სოფელ ტობანიერის საჯარო სკოლა;

2. სამტრედიის მუნიციპალიტეტის დაბა კულაშის საჯარო სკოლა;

3. ჭიათურის მუნიციპალიტეტის სოფელ რგანის საჯარო სკოლა;

4. ონის მუნიციპალიტეტის სოფელ გლოლას საჯარო სკოლა;

კერძო სკოლები:

1. წმინდა გიორგის სახელობის საერთაშორისო სკოლა;

2. ხარაგაულის წმიდა ანდრია პირველწოდებულის სახელობის გიმნაზია;

3. წმინდა ამბროსი ხელაიას სახელობის ზოგადსაგანმანათლებლო სკოლა;

4. ,,იუჯი სკოლა“;

5. ბათუმის ქართულ-ამერიკული სკოლა.

Etaloni.ge-ს ინფორმაციით, სკოლებში სწავლის განახლების დაგვიანების მიზეზი მიმდინარე რემონტია.