მასწავლებელთა გამოცდის აპელაციის შედეგები დღეს გახდა ცნობილი. საკუთარი ნაშრომის პირველადი შეფასება 1200-ზე მეტმა აპლიკანტმა გაასაჩივრა და როგორც შეფასებისა და გამოცების ეროვნული ცენტრის დირექტორის მოადგილემ, ივა მინდაძემ Etaloni.ge-სთან საუბრისას აღნიშნა, დაახლოებით 40%-ს ქულა შეეცვალა.

„1200-ზე მეტი განაცხადიდან 400-ზე მეტს შეეცვალა ქულა, დაახლოებით 40%-ს. ამ 40%-დან შემთხვევათა უმეტესობა ქულის მომატებით დასრულდა. ყველაზე მეტი სააპელაციო განაცხადი პროფესიულ უნარებში იყო, დაახლოებით - 500-მდე. შემდეგ კი - დაწყებითი საფეხურის ტესტებზე, დაახლოებით - 100-მდე განაცხადი. დანარჩენ საგნებში კი საჩივრების რაოდენობა ათეულობით იყო“, - განაცხადა ივა მინდაძემ.

მისივე თქმით, იმ აპლიკანტებს, ვისაც აპელაციის შედეგად ქულა შეეცვალათ, გასაჩივრებაში გადახდილი თანხა უკან დაუნრუნდება. სააპელაციო თანხის დაბრუნებასთან დაკავშირებული ინფორმაცია შეფასებისა და გამოცდების ეროვნული ცენტრის საიტზე განთავსდება.