განათლების ხარისხის ეროვნული ცენტრის განცხადებით, იმ სტუდენტებს/აბიტურიენტებს, რომლებსაც IBSU-ში სურდათ მობილობით გადასვლა/ჩაბარება, რეგისტრაციის დამატებითი ვადა განესაზღვრათ. 

ცენტრის ცნობით, 2018-2019 სასწავლო წლის შემოდგომის სემესტრისთვის მობილობის მსურველ სტუდენტთა ელექტრონულ პორტალზე რეგისტრაციის დამატებით ვადად 2018 წლის 22 აგვისტოდან 27 აგვისტოს 18:00 საათამდე განისაზღვრა. 

„მობილობის მსურველ/მონაწილე ყველა სტუდენტს შეუძლია დარეგისტრირდეს ან შეცვალოს არჩევანი მიმდინარე წლის 22 აგვისტოდან 27 აგვისტოს 18 საათამდე. მობილობაში მონაწილე იმ სტუდენტებს, რომლებსაც ერთ-ერთ პრიორიტეტად არჩეული აქვთ შპს შავი ზღვის საერთაშორისო უნივერსიტეტი უნდა შეცვალონ არჩევანი არაუგვიანეს 2018 წლის 27 აგვისტოს 18 საათისა,“ - ნათქვამია ცენტრის განცხადებაში. 

შეგახსენებთ, რომ შავი ზღვის საერთაშორისო უნივერსიტეტს სტუდენტების მიღების უფლება ერთი წლის ვადით შეეზღუდა.