უდაბნოს საჯარო სკოლის მოსწავლეებმა „ეროვნული იმპერატივის“ პროექტში „ჩვენ-ახალგაზრდებისათვის“ მონაწილეობა მიიღეს. 

ღონისძიება სოფელ უდაბნოში ჩატარდა და საქართველოს პირველი რესპუბლიკის დაარსების 100 წლისთავს მიეძღვნა. 

წარმოდგენილი იყო შემდეგი აქტივობები: 

სემინარი თემაზე „დამოუკიდებლობა და თავისუფლება-პროცესები და შედეგები“- მომხსენებელი გიორგი სავანელი;

მხატვრულ-ლიტერატურული ინტერმედია მსახიობების-თამარ ადამიას, თეკა კოხრეიძის და გიორგი სავანელის მონაწილეობით;

შეხვედრა პოეტ თინათინ მღვდლიაშვილთან, რომელმაც აუდიტორიას საკუთარი ლექსები წაუკითხა. უდაბნოს სკოლის მოსწავლემ კი  თინათინის ლექსი ექსპრომტად  ავტორის წინაშე წარმოსთქვა;

დასკვნით ეტაპზე ღონისძიების მსვლელობაში  კი თავად ახალგაზრდები ჩაერთნენ და მონაწილეობა  შემეცნებით თამაშ-კონკურსებში- „ლიტერატურული ლაბირინთი“ და ბლიც-ვიქტორინა, მიიღეს.  

გამარჯვებული მოსწავლეები სიმბოლურად ქართველ მხატვართა საიუბილეო ალბომებით დაჯილდოვდნენ.

დასასრულს მოსწავლეებმა „ეროვნული იმპერატივის“ წევრების წინაშე იმპროვიზირებული მუსიკალური ნომრები წარადგინეს და ლექსები წაიკითხეს.

იხილეთ ფოტოები