ავთანდილ დეკანოიძის სახელობის ქალაქ ქუთაისის №32 საჯარო სკოლის მე-4 კლასელთა კომპიუტერული ტექნოლოგიების გაკვეთილები გაჯერებულია მრავალფეროვანი აქტივობებით და მიმართულია მოსწავლეთა მრავალმხრივი განვითარებისკენ.
მათ შორის, მეოთხეკლასელებმა კომპიუტერული ტექნოლოგიების გაკვეთილებზე შემოქმედებითი უნარები გაიუმჯობესეს და Microsoft Word-ის გამოყენებით, საკუთარი ხელით შექმნეს გაკვეთილების ცხრილები.
მათი შრომა უყურადღებოდ არ დარჩენილა და თითოეულ მოსწავლეს საჩუქრად გადაეცა საკუთარი ნამუშევრის ბეჭდური ვერსია.
„სიხარულითა და მონდომებით სავსე პატარა სახეები - ჩვენი ყველაზე დიდი მოტივაციაა!“-აღნიშნავენ სკოლაში და მე-4 კლასელებს წარმატებასა და ხალისიან სასწავლო დღეებს უსურვებენ.
მე-4 კლასელთა კომპიუტერული ტექნოლოგიების მასწავლებელი ზურა ხაკიანი გახლავთ, დამრიგებლები კი - ცირა მელაძე და მარიამ იობაძე.
იხილეთ ფოტოები: