
ავთანდილ დეკანოიძის სახელობის ქალაქ ქუთაისის №32 სკოლაში სასწავლო პროცესი გაჯერებულია მრავალფეროვანი აქტივობებით, თანამედროვე სასწავლო მეთოდებით, გამოირჩევა ინოვაციური მიდგომებით.
ახლახან, VIდ კლასში ჩატარდა ინოვაციური ინტეგრირებული გაკვეთილი - კომპიუტერული ტექნოლოგიები და ინგლისური ენა, სადაც ციფრული სამყარო, შემოქმედებითი აზროვნება და უცხო ენაზე კომუნიკაცია ერთიან საგანმანათლებლო სივრცედ გაერთიანდა.
მოსწავლეებმა Minecraft Education-ის ვირტუალურ გარემოში საკუთარი ფერმები შექმნეს, დაგეგმეს და მოაწყვეს ციფრული სივრცე, შემდეგ კი თავიანთი ნამუშევრები ინგლისურ ენაზე წარადგინეს.
ეს იყო სწავლების განსხვავებული გამოცდილება, სადაც:
„ეს არის თანამედროვე განათლების ერთ-ერთი მნიშვნელოვანი მიმართულება - სწავლა კეთებით, საგნების ინტეგრაცია და ციფრული შესაძლებლობების გამოყენება კომპეტენციების განსავითარებლად.
ჩვენ არ ვასწავლით მხოლოდ ტექნოლოგიების გამოყენებას - ვასწავლით ტექნოლოგიების დახმარებით შექმნას, აზროვნებასა და საკუთარი იდეების წარმოჩენას!“,- აღნიშნავენ სკოლაში და მოსწავლეებს მეტად საინტერესო სასწავლო პროცესს სთავაზობენ.
ინტეგრირებულ გაკვეთილს ხელმძღვანელობდნენ კომპიუტერული ტექნოლოგიების მასწავლებელი ზურა ხაკიანი და ინგლისური ენის მასწავლებელი თამარ ციცვიძე.
იხილეთ ვიდეო: