
ჭიათურის მუნიციპალიტეტის სოფელ ხრეითის N2 საჯარო სკოლის პირველკლასელებმა ანბანის სწავლა საზეიმოდ დაიწყეს.
ეს დღე პირველკლასელებისთვის განსაკუთრებული იყო, რადგან პირველად შეხვდნენ ქართულ ანბანს, პედაგოგმა მაია მიქაცაძემ კი პატარებს მრავალფეროვანი - სასწავლო-შემეცნებითთან ერთად საზეიმო და შემოქმედებითი აქტივობები შესთავაზა და პატარებს პირველი საანბანო გაკვეთილი დღესასწაულად უქცია.
„აი ია“-ს შემობრძანება“ ბავშვებმა დიდი ზარ-ზეიმით აღნიშნეს.
როგორც სკოლაში გვეუბნებიან, ღონისძიება სავსე იყო თამაშით, აქტივობით და დაუვიწყარი ემოციებით. მოსწავლეები ენთუზიაზმით ასრულებდნენ დავალებებს , ეხმარებოდნენ ერთმანეთს და საბოლოოდ შეძლეს „ა“ და „ი“ ასოების ამოცნობა, გარჩევა და დაკავშირება შესაბამის საგნებთან.
„გვინდა წარმატებები და წინსვლა ვუსურვოთ ჩვენს პატარებს განათლების და განვითარების საქმეში“,- აღნიშნავენ სკოლაში და პირველკლასელებს კიდევ უფრო საინტერესო საანბანო თავგადასავალს ჰპირდებიან.
იხილეთ ფოტოები: