
ახალქალაქის მუნიციპალიტეტის სოფელ ბუზავეთის საჯარო სკოლის პირველკლასელებმა ანბანის სწავლა საზეიმოდ დაიწყეს.
პირველი საანბანო გაკვეთილი მრავალფეროვანი, სასწავლო-შემეცნებითთან ერთად, სახალისო და საზეიმო აქტივობებით წარიმართა.
გაიმართა ასო-ბგერა ა-ს პრეზენტაცია. მოსწავლეები პირველ ასო-ბგერას დიდი ინტერესით გაეცნენ, წარმოთქვეს ლექსები, იმღერეს და წინასაანბანო პერიოდში შეძენილი ცოდნაც წარმოაჩინეს.
პატარებმა საანბანო პერიოდის დაწყება მასწავლებელთან ერთად იზეიმეს.
„მათ უკვე იციან ასო ბგერა ა-ს წერა და კითხვა“,- სიხარულით აღნიშნავენ ბუზავეთის საჯარო სკოლაში და მოსწავლეებს კიდევ უფრო საინტერესო საგანმანათლებლო თავგადასავალს ჰპირდებიან.
იხილეთ ფოტოები: