
პროფესიულ საგანმანათლებლო პროგრამებზე 2026 წლის საშემოდგომო მიღების ფარგლებში აპლიკანტთა ჩარიცხვის საბოლოო შედეგები უკვე ხელმისაწვდომია ონლაინ პლატფორმაზე - vet.ge.
თითოეულ აპლიკანტს საკუთარი შედეგის ნახვა პირად სარეგისტრაციო სივრცეში, განყოფილებაში „შედეგები“ შეუძლია.
პროფესიული საგანმანათლებლო დაწესებულებები ჩარიცხვისთვის საჭირო დოკუმენტაციის მიღებას 16 ნოემბრიდან დაიწყებენ. დოკუმენტების ჩამონათვალს, წარდგენის ვადასა და ფორმას შესაბამისი საგანმანათლებლო დაწესებულება განსაზღვრავს.
სასწავლო პროცესი 2026 წლის 1 დეკემბერს დაიწყება.