
რა სისტემურმა ხარვეზმა გაიმოიწვია ის რომ სასწავლო წლის დაწყებიდან რამდენიმე დღეში მოსწავლეები და მშობლები გებულობენ რომ სკოლის შენობა ავარიულია და სხვა შენობაში ან დისტანციურად უნდა გააგრძელონ სწავლა? - ამ კითხვით გიორგი შარაშიძემ განათლების სამინისტროს წარმომადგენელს განათლების და ეკონომიკური პოლიტიკის კომიტეტების ერთობლივი სხდომაზე მიმართა.
როგორც უწყების წარმომადგენელმა განაცხადა, სამხარაულის სახელობის ექსპერტიზის ეროვნული ბიუროს დასკვნაზე ზემოქმედება სამინისტროს არ შეუძლია და უწყებამ შესაბამისი ინფორმაცია მიღებისთანავე მოახდინა რეაგირება.
„სამხარეულის ბიუროს ექსპერტიზის დასკვნაზე ზემოქმედებას, როდის იქნებოდა და როდის არა, ვერავინ მოახდენს... განათლების სამინისტრომ როდესაც მიიღო ინფორმაცია დასკვნის შესახებ იმ წუთშივე მოახდინა რეაგირება... ექსპერტიზაზე მუნიციპალური განვითარების ფონდს დაახლოებით 200 სკოლა აქვს გადაგზავნილი ჯამში და 200 სკოლაზე განათლების სამინისტრო ყოველდღიურ რეჟიმში ვერ მიმართავს ექსპერტიზის ბიუროს, დღეს ხომ არ მოვა დასკვნა, ხვალ ხომ არ მოვა... არც აქვს ამის უფლება“,- აღნიშნა განათლების, მეცნიერებისა და ახალგაზრდობის სამინისტროს წარმომადგენელმა.