მასწავლებელთა პროფესიული განვითარების ეროვნული ცენტრი აცხადებს კონკურსს შვეიცარიის ქ. ჟენევაში მდებარე ბირთვული კვლევების ევროპულ ცენტრში (CERN -European Organization for Nuclear Research) ერთკვირიან სტაჟირებაში მონაწილეობის მიზნით საჯარო სკოლის ფიზიკის მასწავლებლების შესარჩევად.
კონკურსში მონაწილეობის პირობები:
კონკურსში მონაწილეობის მიღება შეუძლიათ საქართველოს (გარდა აჭარის ავტონომიური რესპუბლიკის) საჯარო სკოლების მოქმედ ფიზიკის მასწავლებლებს, რომლებსაც:
დადასტურებული აქვთ ფიზიკის საგნობრივი კომპეტენცია ან/და გააჩნიათ ფიზიკის მიმართულებით დოქტორის აკადემიური ხარისხი;
აქვთ სკოლაში ფიზიკის სწავლების არანაკლებ 3 წლიანი გამოცდილება;
მასწავლებელთა პროფესიული განვითარების ეროვნული ცენტრის სტაჟირების პროგრამის ფარგლებში არ არიან ნამყოფი CERN -ის კვლევით ცენტრში.
განაცხადის წარდგენის წესი:
- კონკურსში მონაწილეობის მსურველებმა შემდეგი დოკუმენტაცია უნდა გაგზავნონ teachers.gov.ge-ის ოფიციალური ელფოსტიდან მისამართზე: cern@tpdc.ge
- რეზიუმე (CV);
- პირადობის მოწმობის/პასპორტის ასლი;
- პრეზენტაცია PDF ან PowerPoint ფორმატში.
განაცხადი 30 ნოემბრის ჩათვლით უნდა წარადგინოთ - გაითვალისწინეთ, რომ დაგვიანებით ან/და არასრულად წარმოდგენილი განაცხადები არ განიხილება.
შეფასების კრიტერიუმები:
კანდიდატები შეფასდებიან წინასწარ განსაზღვრული კრიტერიუმებისა და შეფასების რუბრიკის საფუძველზე.
შეფასებისას ყურადღება მიექცევა:
- ფიზიკის საგნობრივი შინაარსის გააზრებასა და სწორად გამოყენებას;
- სწავლების მეთოდოლოგიასა და ეფექტიანი სასწავლო მიდგომების გამოყენებას;
- მოსწავლეთა ჩართულობასა და წარმოდგენილი პრაქტიკის შედეგებს;
- კანდიდატის პროფესიულ რეფლექსიასა და განვითარების ხედვას;
- ცერნისა და მასწავლებელთა საგანმანათლებლო პროგრამების შესახებ ინფორმირებულობას;
სტაჟირების შედეგად მიღებული ცოდნის სასწავლო პროცესში გამოყენებისა და კოლეგებისთვის გაზიარების მზაობას.
დამატებითი ინფორმაციისთვის გადადით ბმულზე
