მესტიის მუნიციპალიტეტის სოფელ ლატალის საჯარო სკოლის პირველკლასელებისთვის სასწავლო პროცესი სახალისოა. პედაგოგები მათ მოტივაციაზე განსაკუთრებულად ზრუნავენ, პატარებს სასწავლო-შემეცნებითთან ერთად, სახალისო და თავშესაქცევი აქტივობებით ანებივრებენ და სწავლებისას არაერთ საინტერესო მეთოდს მიმართავენ. 

პატარებმა ქართული ხალხური პოეზიის განსაკუთრებული ნიმუში - „თხამ ვენახი შეჭამა“ ხალისით ისწავლეს. 

მასწავლებელმა, მანანა წერედიანმა ბავშვებს ლექსის მუსიკალური ვერსია მოასმენინა, გაკვეთილი კი საოცრად პოზიტიურად და სახალისოდ წარიმართა. სიმღერას აყოლილი პატარები სასიამოვნო სანახავია. 

იხილეთ ვიდეო: