ორღულის საჯარო სკოლის ეზოში პირველკლასელებმა ბზის ნერგები დარგეს
04-11-2026
საჩხერის მუნიციპალიტეტის სოფელ ორღულის საჯარო სკოლის პირველკლასელებმა მწვანე მომავლის შექმნაში საკუთარი წვლილი შეიტანეს.
მასშტაბურ გარემოსდაცვით პროგრამას - „ჩემი პირველი ნერგი“ ორღულის საჯარო სკოლის პირველკლასელები 2 ნოემბერს შეუერთდნენ და სკოლის ეზოში ბზის ნერგები დარგეს.
„ეს თქვენი პირველი ნაბიჯებია სამყაროში მწვანე გარემოს შესაქმნელად. წარმატებებს გისურვებთ, პატარა მერცხლებო“,- აღნიშნავენ სკოლაში და ახარებთ ინიციატივა.
„ჩემი პირველი ნერგი“ არის საქართველოს მთავრობის ინიციატივით დაწყებული გარემოსდაცვითი პროგრამა, რომლის ფარგლებშიც ქვეყნის მასშტაბით 41 000-ზე მეტი პირველკლასელი საკუთარ პირველ ნერგს რგავს.
პროგრამა ოფიციალურად 22 ოქტომბერს დაიწყო და ერთი თვე გაგრძელდება.
იხილეთ ფოტოები:
სკოლების სიახლეები
