მარტვილის მუნიციპალიტეტის სოფელ ნახუნაოს საჯარო სკოლა მასშტაბურ გარემოსდაცვით პროგრამას - „ჩემი პირველი ნერგი“ სიხარულით შეუერთდა.
29 ოქტომბერს, სკოლის ერთადერთმა პირველკლასელმა - ნუცა ზარქუამ სკოლის ეზოში ნეკერჩხალი დარგო.
„სკოლის დირექცია ნუცასთან ერთად მოუვლის და გაახარებს ამ ნეკერჩხალს, ხოლო ნუცას უსურვებს ჯანმრთელობასა და წარმატებულ სასწავლო წლებს“,- აღნიშნავენ სკოლაში და მოსწავლეთა ეკოცნობიერების ამაღლებაზე ყოველთვის აქტიურად ზრუნავენ.
„ჩემი პირველი ნერგი“ არის საქართველოს მთავრობის ინიციატივით დაწყებული გარემოსდაცვითი პროგრამა, რომლის ფარგლებშიც ქვეყნის მასშტაბით 41 000-ზე მეტი პირველკლასელი საკუთარ პირველ ნერგს რგავს. პროგრამა ოფიციალურად 22 ოქტომბერს დაიწყო და ერთი თვე გაგრძელდება.
ფოტოების ავტორი: დავით პირტახია
ვიდეო იხილეთ ბმულზე:
