ჩოლურის საჯარო სკოლის მოსწავლეები VI რესპუბლიკურ კონფერენციაში მონაწილეობდნენ
02-11-2026
ლენტეხის მუნიციპალიტეტის სოფელ ჩოლურის საჯარო სკოლის მოსწავლეები პედაგოგთა მხარდაჭერითა და ხელმძღვანელობით აქტიურად მონაწილეობენ სხვადასხვა საგანმანათლებლო ღონისძიებებში.
31 ოქტომბერს, ქუთაისში ჩატარდა VI რესპუბლიკური კონფერენცია თემაზე - „მღვიმეები და ჩანჩქერები“. ცალკე თემად იყო გამოყოფილი წყლის რესურსები საქართველოში.
კონფერენციაში მონაწილეობდნენ ჩოლურის საჯარო სკოლის მოსწავლეები - მე-12 კლასელები ანი ზურაბიანი და ნინო ბენდელიანი და მე-9 კლასელი მარიამ ჩარქსელიანი. საუკეთესო თემის წარდგენისთვის მონაწილეები დაჯილდოვდნენ დიპლომებით.
მოსწავლეთა თემის ხელმძღვანელი პედაგოგი ინგა ონიანი გახლავთ.
იხილეთ ვიდეო ბმული:
სკოლების სიახლეები
