ვანის მუნიციპალიტეტის სოფელ ყუმურის საჯარო სკოლის მოსწავლეებმა „ეტალონის“ საგნობრივ ოლიმპიადაში წარმატებით იასპარეზეს.
თეკლა ჯულაყიძე, ემზარი ცხვარაძე, ანასტასია გიორგაძე და ცოტნე ქართველიშვილი 2026 წლის საგნობრივ საშემოდგომო ჩემპიონატს დიდი შემართებით შეუერთდნენ და საამაყო შედეგებიც აჩვენეს.
აღსანიშნავია, რომ ყუმურის საჯარო სკოლაში ჩართულობა არაფორმალური განათლების პროექტებში წახალისებული და მხარდაჭერილია.
სკოლაში ამაყობენ მოსწავლეთა წარმატებით და მათ ახალი სიმაღლეების დაპყრობას უსურვებენ.
შეგახსენებთ, რომ „ეტალონისა“ და izrune.ge-ს ერთობლივი ჩემპიონატი საქართველოს სკოლების მოსწავლეებს აძლევს უნიკალურ შესაძლებლობას - გაიმდიდრონ საგნობრივი ცოდნა, შეიძინონ და განივითარონ 21-ე საუკუნის უნარ-ჩვევები და, რა თქმა უნდა, გამოსცადონ შესაძლებლობები.
