ქართულ საგანმანათლებლო სივრცეში განსაკუთრებული, მოტივაციითა და ემოციებით დახუნძლული ახალი ეტაპი დაიწყო - 27-28 ოქტომბერს, izrune.ge-ს თანამედროვე ტექნოლოგიური პლატფორმის გამოყენებით, ინგლისური ენის ოლიმპიადით „ეტალონის“ 2026 წლის შემოდგომის სეზონი წარმატებით გაიხსნა.

უნდა აღვნიშნოთ, რომ ინგლისური ენის ოლიმპიადა იქცა უნიკალურ შესაძლებლობად საქართველოს მასშტაბით მცხოვრები ასეულობით მოსწავლისთვის - მათ შეძლეს არა მხოლოდ საკუთარი ლექსიკური თუ გრამატიკული ცოდნის, არამედ სწორი და სწრაფი გადაწყვეტილებების მიღების უნარების დემონსტრირებაც.

დიდ საგანმანათლებლო დღესასწაულში მონაწილეობდნენ ბავშვები საქართველოს ყოველი კუთხიდან: კერძო და საჯარო, დიდი ქალაქებისა და მაღალმთიანი, შორეული სოფლის სკოლების წარმომადგენლები და რა თქმა უნდა, პატარა პირველკლასელები, რომლებიც პირველ ნაბიჯებს „ეტალონთან“ ერთად დგამენ წიგნიერების ჯადოსნურ სამყაროში.

სწორედ ეს მრავალფეროვნება და ერთობა სძენს „ეტალონის“ საგნობრივ ოლიმპიადას განსაკუთრებულ ელფერს - ჩვენთან თითოეული მონაწილე გამარჯვებულია, რადგან აირჩია განვითარების გზა და დაამტკიცა, რომ ცოდნა არის უმთავრესი იარაღი, რომლითაც დიდ მომავალს ააშენებს.

შემოდგომის სეზონის პირველმა ტალღამ კი უკვე მოიტანა საამაყო შედეგები - გამოვლინდნენ ინგლისური ენის ოლიმპიადის ოქროსა და ვერცხლის დიპლომის მფლობელი ნიჭიერი მოსწავლეები - ეს მათი შრომის, ნიჭისა და დაუღალავი მეცადინეობის დამსახურებული აღიარებაა. ამას ადასტურებს დამსახურებული დიპლომები, რომელთა ხილვა და ამ დიდი სიხარულის გაზიარება შეგიძლიათ მითითებულ [ბმულზე].

ჩვენ კი დავძენთ, რომ ინგლისური ენის ოლიმპიადა მხოლოდ დასაწყისია, „ეტალონი“ და izrune.ge კვლავაც აგრძელებენ გზამკვლევის როლის შესრულებას მომავალი თაობებისთვის - წინ კიდევ უამრავი აღმოჩენა, ემოცია და გამარჯვება გველის.

შემოდგომის სეზონი გახსნილია, ნიჭიერების ზეიმი კი გრძელდება - დაჩექინდი „ეტალონის“ წარმატების რუკაზე!

„ეტალონის“ საგნობრივი ოლიმპიადა ტარდება ოთხ ძირითად მიმართულებაში: 

ქართული ენა და ლიტერატურა - ავლენს მშობლიური ენის გრამატიკულ ცოდნას, ტექსტის გააზრებისა და ლიტერატურული მასალის ფლობის დონეს;

მათემატიკა - მიზნად ისახავს სასკოლო მასალის ცოდნის გადამოწმებას და მათემატიკური აზროვნების ეფექტურად გამოვლენას;

ინგლისური ენა - აფასებს უცხოური ენის ლექსიკურ, გრამატიკულ და ფუნქციურ დონეს შესაბამისი დონის მიხედვით;

ლოგიკური აზროვნება და ზოგადი განათლება - ორიენტირებულია არასასკოლო, ზოგად თვალსაწიერზე, ანალიტიკურ უნარებსა და ლოგიკურ მსჯელობაზე.

არ გამოგრჩეთ, დღესვე დარეგისტრირდით:

•  ლოგიკური აზროვნება და ზოგადი განათლების ოლიმპიადა

•  ქართული ენის და ლიტერატურის ოლიმპიადა

•  მათემატიკის ოლიმპიადა

დამატებითი ინფორმაციისთვის ან კითხვების შემთხვევაში, მოგვწერეთ „ეტალონის“ FB გვერდზე.

გახსოვდეთ, „ეტალონის“ ოლიმპიადა არის გამოცდილება, რომელიც მომავალ წარმატებებს უყრის საფუძველს. გელოდებით შემოდგომაზე!

ოლიმპიადის სხვა სიახლეები იხილეთ განყოფილებაში „ეტალონი“