თელავის მუნიციპალიტეტის სოფელ ვანთის საჯარო სკოლაში სპორტისა და ჯანსაღი ცხოვრების წესის პოპულარიზაციას მნიშვნელოვანი ყურადღება ექცევა, რაც მოსწავლეთა მოტივაციაზე აისახება. მოსწავლეები წარმატებით მონაწილეობენ სხვადასხვა სპორტულ ღონისძიებებში და წარმატებაც სახეზეა. 

ამჯერად მოსწავლეები მხიარულ სასკოლო შეჯიბრებას - „მხიარულ სტარტებს“ შეუერთდნენ დიდი მონდომებით, შემართებითა და გუნდური სულისკვეთებით და დამსახურებული გამარჯვებაც მოიპოვეს.

მოსწავლეებმა შეჯიბრის განმავლობაში გამოავლინეს ენერგია, მოხერხებულობა, სწრაფი აზროვნება და რაც მთავარია - ერთმანეთის მხარდაჭერისა და გუნდურობის შესანიშნავი უნარი.

„ვამაყობთ თქვენით, ვანთის საჯარო სკოლის მოსწავლეებო!“,- აღნიშნავენ სკოლაში და მოსწავლეებს ყოველთვის გულმხურვალედ გულშემატკივრობენ.