თბილისის N142 საჯარო სკოლაში დიდი სიხარულითა და პატივისცემით უმასპინძლეს საქართველოს განათლების მეცნიერებათა აკადემიის ღვაწლმოსილ წევრებს - პროფესორებს - ლუბა ბიბილეიშვილს და ინდირა ძაგანიას.
შეხვედრა წარიმართა უკიდურესად თბილ, მეგობრულ და საქმიან ატმოსფეროში.
შეხვედრის მოაწილეებმა განიხილეს სკოლის განვითარების სამომავლო გეგმები, პერსპექტივები და ინოვაციური მიმართულებები.
როგორც სკოლაში გვეუბნებიან, განსაკუთრებით მნიშვნელოვანი იყო საუბარი ევროპის სკოლებთან სამომავლო ურთიერთთანამშრომლობის მემორანდუმის გაფორმების პერსპექტივებზე, რაც ახალ ჰორიზონტებს გაუხსნის მოსწავლეებსა და პედაგოგებს.
სკოლის დირექცია მადლობას უხდის სტუმრებს საინტერესო ვიზიტისა და თანამშრომლობისთვის.
„მართლაც, გამორჩეული და მნიშვნელოვანი დღე ჰქონდა ჩვენს სკოლას!
დიდი მადლობა, ქალბატონ ლუბას და ქალბატონ ინდირას ამ ძვირფასი ვიზიტისთვის, მხარდაჭერისა და პროფესიული თანამშრომლობისთვის!
გვჯერა, რომ წინ ძალიან საინტერესო და წარმატებული ნაბიჯები გველის“,-აღნიშნავენ სკოლაში.
