ცაგერის მუნიციპალიტეტის სოფელ ორბელის საჯარო სკოლის მოსწავლეები ინგლისურ ენას საინტერესო და სახალისო აქტივობებით სწავლობენ. 

ამის ნათელი მაგალითია მე-3 კლასში მოწყობილი ჩაის მხიარული წვეულება. 

მე-3 კლასელ მოსწავლეებთან ინგლისური ენის გაკვეთილზე განსაკუთრებული და სახალისო აქტივობა - „Tea Party“ გაიმართა.

მოსწავლეებმა ინგლისურ ენაზე მოაწყვეს ჩაის წვეულება და წარმოადგინეს თემატური ინსცენირება, რომლის ფარგლებშიც როლური თამაშების საშუალებით გაითამაშეს ჩაის წვეულებასთან დაკავშირებული სიტუაციები.

მათ ხალისით გამოიყენეს ინგლისური ენის გაკვეთილზე ნასწავლი სიტყვები და ფრაზები, ივარჯიშეს დიალოგებში, კომუნიკაციასა და მეტყველებაში.

აქტივობას ესწრებოდნენ მოწვეული მშობლები, სკოლის დირექტორი და მასწავლებლები, რომლებმაც მოსწავლეთა მონდომება, შემოქმედებითობა და ინგლისურ ენაზე კომუნიკაციის უნარები შეაფასეს.

როგორც სკოლაში აღნიშნავენ, ასეთი სახალისო და ინტერაქტიული აქტივობები ხელს უწყობს მოსწავლეებში უცხო ენისადმი ინტერესის გაღვივებას, თავდაჯერებულობის ამაღლებასა და გუნდური მუშაობის უნარების განვითარებას.  

„სწავლა თამაშით, ცოდნა სიხარულით და ინგლისური ენა - საინტერესო თავგადასავლებით! მადლობა ჩვენს პატარა მონაწილეებს აქტიურობისთვის, შემოქმედებითი მიდგომისა და დაუვიწყარი ემოციებისთვის!“,- დასძენენ სკოლაში.